Fərman və Sərəncamlar
Astara rayonunun sosial-iqtisadi inkişafının sürətləndirilməsinə dair əlavə tədbirlər haqqında
Azərbaycan Respublikası Prezidentinin Sərəncamı
Azərbaycan Respublikası regionlarının sosial-iqtisadi inkişafı Dövlət Proqramlarının uğurla yerinə yetirilməsi nəticəsində ölkənin bütün bölgələrində olduğu kimi Astara rayonunda da bir sıra mühüm tədbirlər həyata keçirilmiş, əsas kapitala yönəldilmiş vəsait 33,4 dəfə, o cümlədən tikinti-quraşdırma işləri 38,0 dəfə artmış, Modul tipli Elektrik stansiyası, Astara Qaz-Kompressor stansiyası, Olimpiya İdman Kompleksi, Gənclər evi, Boks-idman Mərkəzi inşa olunmuş, təhsil, səhiyyə, mədəniyyət, və digər sosial yönümlü obyektlər istifadəyə verilmiş, yeni avtomobil yolları çəkilmiş, genişmiqyaslı abadlıq-quruculuq işləri görülmüşdür.
Astara şəhərində abadlıq-quruculuq işlərinin davam etdirilməsi, “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nda rayon üzrə müəyyən olunmuş tədbirlərin həyata keçirilməsinin sürətləndirilməsi məqsədi ilə Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. Astara rayonunun sosial-iqtisadi inkişafının sürətləndirilməsi məqsədi ilə Astara Rayon İcra Hakimiyyətinə Azərbaycan Respublikasının 2013-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 2,0 (iki) milyon manat ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci hissəsində nəzərdə tutulan məbləğdə maliyyələşməni müəyyən olunmuş qaydada təmin etsin.
İlham Əliyev
Azərbaycan Respublikasının Prezidenti
Bakı şəhəri, 12 sentyabr 2013-cü il.
Astara rayonunun Deqadi-Pəlikəş avtomobil yolunun tikintisi ilə bağlı tədbirlər haqqında
Azərbaycan Respublikası Prezidentinin Sərəncamı
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. On iki min nəfər əhalinin yaşadığı 21 yaşayış məntəqəsini birləşdirən Deqadi-Pəlikəş avtomobil yolunun tikintisi məqsədi ilə Azərbaycan Respublikasının 2013-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Astara Rayon İcra Hakimiyyətinə ilkin olaraq 2,0 (iki) milyon manat ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci hissəsində nəzərdə tutulan məbləğdə maliyyələşməni müəyyən olunmuş qaydada təmin etsin.
İlham Əliyev
Azərbaycan Respublikasının Prezidenti
Bakı şəhəri, 12 sentyabr 2013-cü il.
AZƏRBAYCAN RESPUBLİKASI
ASTARA RAYON İCRA HAKİMİYYƏTİ BAŞÇISININ
SƏRƏNCAMI
Prezident seçkiləri ilə əlaqədar təbliğat-təşviqat işi aparmaq
məqsədilə 76 saylı Lənkəran-Astara və 77 saylı Astara Seçki
Dairələri üzrə yığıncaqların və mitinqlərin keçirilməsi üçün
açıq və qapalı yerlərin müəyyən edilməsi
HAQQINDA
“Sərbəst toplaşmaq azadlığı haqqında” Azərbaycan Respublikası Qanununun 9-cu maddəsinin VI bəndinə əsasən yığıncaqların, mitinqləırin və nümayişlərin keçirilməsi üçün hər bir şəhər və rayonda müvafiq İcra hakimiyyəti orqanı tərəfindən xüsusi yerlər ayrılmalıdır.
“Azərbaycan Respublikasında seçki praktikasının təkmilləşdirilməsinə dair” Azərbaycan Respublikasının Prezidenti İlham Əliyevin imzaladığı 11 may 2005-ci il tarixli Sərəncamın 8-ci maddəsinə istinad edərək
QƏRARA ALIRAM:
1. Vətəndaşların, siyasi partiyaların və ictimai birliklərin yığıncaqların və mitinqlərin müəyyən edilmiş qaydalara uyğun keçirilməsi və təşviqat işlərinin aparılması üçün aşağıda göstərilən yerlər ayrılsın.
N |
Tədbirlərin keçirilməsi üçün nəzərdə tutulmuş yerlər |
||
Qapalı |
Açıq |
Təşviqat işləri üçün |
|
1 |
Astara şəhəri S.Vurğun küçəsi 295-də yerləşən Kələdəhnə mədəniyyət evi |
Astara şəhəri S.Vurğun küçəsi 295-də yerləşən Kələdəhnə mədəniyyət evinin qarşısındakı meydan |
Astara şəhəri S.Vurğun küçəsi 295-də yerləşən Kələdəhnə mədəniyyət evinin qarşısında |
2 |
Kijəbə qəsəbə mədəniyyət evi |
Kijəbə qəsəbə mədəniyyət evinin qarşısındakı meydan |
Kijəbə qəsəbə mədəniyyət evinin qarşısında |
3 |
Ərçivan qəsəbə mədəniyyət evi |
Ərçivan qəsəbə mədəniyyət evinin qarşısındakı meydan |
Ərçivan qəsəbə mədəniyyət evinin qarşısında |
4 |
Şuvi kənd mədəniyyət evi |
Şuvi kənd mədəniyyət evinin qarşısındakı meydan |
Şuvi kənd mədəniyyət evinin qarşısında |
5 |
Suparibağ kənd mədəniyyət evi |
Suparibağ kənd mədəniyyət evinin qarşısındakı meydan |
Suparibağ kənd mədəniyyət evinin qarşısında |
6 |
Artupa kənd mədəniyyət evi |
Artupa kənd mədəniyyət evinin qarşısındakı meydan |
Artupa kənd mədəniyyət evinin qarşısında |
7 |
Hamoşam kənd mədəniyyət evi |
Hamoşam kənd mədəniyyət evinin qarşısındakı meydan |
Hamoşam kənd mədəniyyət evinin qarşısında |
8 |
Pəlikəş kənd mədəniyyət evi |
Pəlikəş kənd mədəniyyət evinin qarşısındakı meydan |
Pəlikəş kənd mədəniyyət evinin qarşısında |
9 |
Təngərüd kənd mədəniyyət evi |
Təngərüd kənd mədəniyyət evinin qarşısındakı meydan |
Təngərüd kənd mədəniyyət evinin qarşısında |
10 |
Motlayataq kənd mədəniyyət evi |
Motlayataq kənd mədəniyyət evinin qarşısındakı meydan |
Motlayataq kənd mədəniyyət evinin qarşısında |
11 |
Siyaku kənd mədəniyyət evi |
Siyaku kənd mədəniyyət evinin qarşısındakı meydan |
Siyaku kənd mədəniyyət evinin qarşısında |
12 |
Şiyəkəran kənd mədəniyyət evi |
Şiyəkəran kənd mədəniyyət evinin qarşısındakı meydan |
Şiyəkəran kənd mədəniyyət evinin qarşısında |
13 |
Kakalos kənd mədəniyyət evi |
Kakalos kənd mədəniyyət evinin qarşısındakı meydan |
Kakalos kənd mədəniyyət evinin qarşısında |
14 |
Pensər kənd mədəniyyət evi |
Pensər kənd mədəniyyət evinin qarşısındakı meydan |
Pensər kənd mədəniyyət evinin qarşısında |
15 |
Şahağac kənd mədəniyyət evi |
Şahağac kənd mədəniyyət evinin qarşısındakı meydan |
Şahağac kənd mədəniyyət evinin qarşısında |
2. Sərəncam “Astara” qəzetində dərc edilsin.
3. Rayon İcra Hakimiyyəti başçısının birinci müavininə tapşırılsın ki, bu Sərəncamdan irəli gələn vəzifələrin icrasını təmin etsin.
Qəzənfər Ağayev
Astara rayon İcra hakimiyyətinin başçısı
Astara şəhəri, 06 sentyabr 2013-cü il
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. Otuz üç min nəfər əhalinin yaşadığı 45 yaşayış məntəqəsini birləşdirən Ərçivan-Şuvi-Alaşa-Qapıçıməhəllə və Siyaku-Rinə avtomobil yollarının tikintisi məqsədi ilə Azərbaycan Respublikasının 2013-cü il dövlət büdcəsinin dövlət əsaslı vəsait qoyuluşu xərclərinin bölgüsündə kəndlərarası avtomobil yollarının tikintisi və yenidən qurulması üçün nəzərdə tutulmuş vəsaitin 3,3 milyon (üç milyon üç yüz min) manatı Astara Rayon İcra Hakimiyyətinə ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci hissəsində nəzərdə tutulan məbləğdə maliyyələşməni müəyyən olunmuş qaydada təmin etsin.
3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
İlham Əliyev
Azərbaycan Respublikasının Prezidenti
Bakı şəhəri, 15 iyul 2013-cü il.
__________________________________________________________________________________
Q.A.Ağayevin Astara rayonu İcra hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı
Azərbaycan Respublikası Konstitusiyasının 124-cü maddəsinin II hissəsini rəhbər tutaraq qərara alıram:
Qəzənfər Arif oğlu Ağayev Astara rayonu İcra hakimiyyətinin başçısı təyin edilsin.
İlham Əliyev
Azərbaycan Respublikasının Prezidenti
Bakı şəhəri
14 aprel 2012-ci il.